الأمريكان ماعندهمش تاريخ, قعدت افكر ليه اخترعوا الأبطال الخارقين Super Heros لقيت إن هو دا السبب, هيجيبوا منين أحمس قاهر الهكسوس ولا قطز مدمر التتار ولا حتى جنكيز خان بطل التتار. وقعدت افكر كمان بعد ألفين سنة كمان, ياترى فيه حد هيعبد الأبطال الخارقين دول ويقول انهم كانوا موجودين فعلا ؟ اقرى الجملة دي مرتين تلاتة كده وحاول تفهم انا قصدي ايه .. ;-)
المهم .. انا طول عمري عندي مشكلة مع الأبطال الخارقين Super Heroes وهقولكم ايه بالزبط مشكلتي مع كل واحد:
سبيدرمان Spiderman : المفروض انثى العنكبوت هي اللى بتفرز السائل اللزج المعفن اللى بيبقى خيوط دا .. حاجة زي اللعاب كده.
كابتن اميريكا Captain America : عمره ما كان ليه شعبية عندنا عشان العالم عنده بينحصر في امريكا وقد ايه الامريكان دول أبطال.
الرجل الأخضرHulk : أول مابيزعل بيتحول شرير ويدمر كل اللى حواليه, وواحدة ست هي اللى بتعرف تمشيه.
الرجل الأخضرHulk : أول مابيزعل بيتحول شرير ويدمر كل اللى حواليه, وواحدة ست هي اللى بتعرف تمشيه.
باتمان Batman : ماشي على طول مع واد صغير حليوة كده اسمه روبين وعلاقتهم مش مفهومة!
سوبرمان Superman : بيلبس الكلوت الأحمر فوق بنطلون استرتش ازرق ويطلع يطير فوق الناس عادي كده ولا حد قال حاجة!
