انا مش هتكلم على أي حد بيصرح بحاجة ويرجع فيها تاني عشان الإعلام الشعبي بتاعنا (الإنترنت) فضحهم بما فيه الكفاية, انا عايز اتكلم على الهزار, الشخصيات العامة أو المشهورة اللى بتقول كلام غير مسؤول وترجع تقول انا كنت بهزر. والمقالة دي مخصوص عشان موضوع سويرس اللي في الآخر.
الشيخ السلفي محمد حسين يعقوب:
يجلس الشيخ المشهور على منبر المسجد الذي يعطي فيه دروسه الدينية, يلتف حوله الراغبون في دخول الجنة والكثير من الغلابة واللى عقلهم على قدهم يرتشفون كلامه الذي يوحي لهم بأن معه مفاتيح الجنة وهو يقول: "أظن يبقى شكلك وحش أوي لو كل المشايخ كانوا في ناحية وانت في الناحية التانية". والغريب انه كان يتكلم عن استفتاء لتعديل الدستور المصري وليس عن قواعد فقهية أو شرعية في الدين الإسلامي.
الشيخ السلفي محمد حسين يعقوب:
يجلس الشيخ المشهور على منبر المسجد الذي يعطي فيه دروسه الدينية, يلتف حوله الراغبون في دخول الجنة والكثير من الغلابة واللى عقلهم على قدهم يرتشفون كلامه الذي يوحي لهم بأن معه مفاتيح الجنة وهو يقول: "أظن يبقى شكلك وحش أوي لو كل المشايخ كانوا في ناحية وانت في الناحية التانية". والغريب انه كان يتكلم عن استفتاء لتعديل الدستور المصري وليس عن قواعد فقهية أو شرعية في الدين الإسلامي.
طبعا نتيجة تحول تلقائيا الى استفتاء ديني بعد الكلمتين دول, واللى بيقول نعم يبقى بيقول نعم على الإسلام ولأن نعم خضراء كده وحلوة جت النتيجة بنعم. طلع بقى يعقوب يحتفل بما سماه هو بنفسه "غزوة الصناديق" وقال: "البلد بقت بلدنا واللى مش عاجبه يطلع بره" يعني نفسه والتيارات الإسلامية.
الناس هاجمته وقلبت الدنيا عليه فكان تصريح الشيخ: "ايه يا جماعة, كنت بهزر .. هزار"
القيادي الإخواني صبحي صالح:
الناس هاجمته وقلبت الدنيا عليه فكان تصريح الشيخ: "ايه يا جماعة, كنت بهزر .. هزار"
القيادي الإخواني صبحي صالح:
مش هتكلم عنه كتير, هو قال جملة واحدة: "الإخواني لا يتزوج إلا إخوانية فقط" ويستغرب: "أتستبدلون الذي هو أدنى بالذي هو خير" , بعدها بكام يوم: "انا كنت بهزر" ومنى الشاذلي جابته ومسحت بكرامته الأرض في برنامج العاشرة مساءا لما حلف كدب على الهواء.
مش مشكلة دول عارفين انهم واحد سلفي والتاني اخواني ومتعصبين من زمان, انا عايز اتكلم عن الليبرالي.
الملياردير نجيب سويرس:
نشر صورة على تويتر لميكي ماوس وميني ماوس وهما لابسين سلفي, ميكي باللحية وميني بالنقاب, صورة اصلا منشورة من سنين وانا بنفسي شفتها على موقع سعودي سنة 2008 تريقة على مشروع ديزني لاند في السعودية.
 |
| @NaguibSawiris أكاونت سويرس على تويتر |
طبعا تصرف يفتقر للدبلوماسية وحتى ابسط قواعد التسويق (هتبعت بطاطين الكونغو ياعبد المهيمن) من سويرس عشان لو كنت في الهند ماحبكتش معاك اوي تاكل ستيك بقري قدام الهندوس اللى بيعبدوا البقر, ساويرس غلط غلطة الروسية اللى فاكرة انها ينفع تمشي توبلس في امبابة. فطبعا الموضوع أخد شكل الفتنة الطائفية والنصراني الكافر اللى بيهاجم الإسلام والصورة دي بالذات هي اللى هتهدم الدين الإسلامي كله وتخلي اسرائيل تحتل مصر وعشان سويرس شخصية عامة (تقريبا عشان معاه فلوس كتير) البي بي سي نشرت, والجرايد كلها نشرت, والإخوان نشرت في الموقع الرسمي عن الملياردير النصراني الذي يهاجم الإسلام. وبلاغ من ممدوح اسماعيل و14 محامي للنائب العام يتهمون فيه سويرس بازدراء الدين الإسلامي واهانة رموزه (كأن اللحية والنقاب هم رموز الدين وتم اهانتهم كمان بالشكل دا) بالإضافة الى -اكيد يعني- صفحات على فيسبوك تطالب بمقاطعة موبينيل ولينك دوت نت المملوكتان لسويرس وشوية صور سيم كارد مكسور حاطينها الناس اللى قاطعت موبينيل.
انا بقى فكرت تفكير عميق, ماذا لو هدى الله ميكي للإسلام وتزوج صديقته Girlfriend اللى ماشي معاها من واحنا صغيرين دي ومش فاهمين علاقتهم ايه بالزبط عشان كنا بنجيب مجلة ميكي مترجمة من دار الهلال اللى بتراعي القيم والعادات حتى لو أخلت بالمحتوى الأصلي , ولا بلاش هدى الله ميكي دي احسن حد يتهمني بإهانة ميكي أو الإسلام واضطر اطلع بيان اعتذر فيه واقول انا كنت بهزر برضه, لو الإخوان وصلوا للحكم وحد فكر يعمل شخصية كاتونية زي ميكي, هتطلع الشخصية لابسة زي اسلامي ولا هتبقى متبرجة منحلّة؟ ما هم لما حاولوا يعملوا باربي عربية عملوها لابسة عباية وحجاب وسموها فلة! اشمعنا فلة مش إهانة لرموز الإسلام؟
على فكرة أبو لهب وأبو جهل وكل الكفار كانوا بيلبسوا نفس اللبس دا, جلابية ولحية والستات نقاب. مفاجأة!
على فكرة أبو لهب وأبو جهل وكل الكفار كانوا بيلبسوا نفس اللبس دا, جلابية ولحية والستات نقاب. مفاجأة!
ديسكليمر: الدين بين الإنسان وربه -أيا كان ربه- ودينك مش هيتهز من كاريكاتير أو صورة أو كلمة من شخص, وناقل الكفر ليس بكافر, والدين لله والوطن للجميع, واي حد ياخد كلامي دا إهانة لأي دين أو شخص حقيقي أو كرتوني: أنا كنت بهزر.
تحديث هام:
نجيب سويرس ليس شخصا ساذجا, وماكانش بيهزر لما نشر الصورة بل المقصود منها فعلا ما يحدث الآن من مقاطعة لموبينيل!
طيب ليه سويرس عايز يخسر نفسه يعني؟ لا بالعكس هو كده بيكسب وهقولكم ازاي. شركة موبينيل شركة مصرية مساهمة, يمتلك اسهمها اكثر من جهة. مثلا شركة فرانس تليكوم تمتلك 71.25% من أسهم موبينيل, واوراسكوم للإتصالات تمتلك 20% من أسهمها.
سويرس بقى يمتلك هو وعائلته 51% من أسهم شركة اوراسكوم التي تمتلك 20% من موبينيل, معلش ركزوا معايا شوية.
يعني هو شخصيا يبقى بيملك حوالي 10% من أسهم موبينيل, الخدعة في الحتة اللى جاية دي بقى:
قيمة السهم في اوراسكوم 4 جنيه, وفي موبينيل 130 جنيه, وسويرس كان اعلن انه عايز يشتري اسهم اكتر في موبينيل اللى تمن السهم فيها أغلى بكتير من اوراسكم, طبعا دلوقتي بعد ما اكتشفنا ان الدين هو اللى بيحرك السياسة والإقتصاد في البلد دي بعد الإستفتاء, سويرس قرر ينشر الصورة دي, السلفيين والإخوان يقيموا عليه الحملات لمقاطعة موبينيل, ينزل ثمن السهم للأرض ويشتري العبقري سويرس الأسهم اللى عايزها.. شكرا للغباء.
تحديث هام:
نجيب سويرس ليس شخصا ساذجا, وماكانش بيهزر لما نشر الصورة بل المقصود منها فعلا ما يحدث الآن من مقاطعة لموبينيل!
طيب ليه سويرس عايز يخسر نفسه يعني؟ لا بالعكس هو كده بيكسب وهقولكم ازاي. شركة موبينيل شركة مصرية مساهمة, يمتلك اسهمها اكثر من جهة. مثلا شركة فرانس تليكوم تمتلك 71.25% من أسهم موبينيل, واوراسكوم للإتصالات تمتلك 20% من أسهمها.
سويرس بقى يمتلك هو وعائلته 51% من أسهم شركة اوراسكوم التي تمتلك 20% من موبينيل, معلش ركزوا معايا شوية.
يعني هو شخصيا يبقى بيملك حوالي 10% من أسهم موبينيل, الخدعة في الحتة اللى جاية دي بقى:
قيمة السهم في اوراسكوم 4 جنيه, وفي موبينيل 130 جنيه, وسويرس كان اعلن انه عايز يشتري اسهم اكتر في موبينيل اللى تمن السهم فيها أغلى بكتير من اوراسكم, طبعا دلوقتي بعد ما اكتشفنا ان الدين هو اللى بيحرك السياسة والإقتصاد في البلد دي بعد الإستفتاء, سويرس قرر ينشر الصورة دي, السلفيين والإخوان يقيموا عليه الحملات لمقاطعة موبينيل, ينزل ثمن السهم للأرض ويشتري العبقري سويرس الأسهم اللى عايزها.. شكرا للغباء.
